Zomi M.Th Zo Kibehlap

Falam khua-a om Zomi Theological College ah laihilh (lecturer) a seem, Sya Nok Kam in nung August kha sungin DSCCC, CUHK
(Divinity School of Chung Chi College of the Chinese University of Hong Kong) panin M.Theol. (Mission) sinna zosiang ahih manin lungdampihna i pulak hi.
Thesis thulu pen “Power and Powerlessness: Colonial Heritage in Myanmar Christian Mission History” hi.
Tu-in innlam ciah dingin kithawithawi ta a, Yangon ah a innkuanpihnu in na dawn ding hi. Tua panin a khua Kawl Zozang ah tawmvei baang ding uh a, tua khit ciangin nasepna phual ZTC ah tu kha 23 lapin ciahto ding uhhi.
Topa Pasian in Ama’ gam leh i minam adingin Sya Nok Kam (leh a innkuan) tangzai muibun takin hong zatsak tahen.
Ref: http://www.vaphual.net/zomi-mth-zo-kibehlap

* ZTC ah lecturer a sep sungin sangmin tawh M.Th sin ding " The Chinese University of Hong Kong ah zileta leh ZTC,Zozaang Baptish pawlpi khenglah pipi in vapai ngaungau hi.
Hong Kong ah Asia gam mun tuamtuam pan Lai Siangtho sangleh University pan Professor te kumsim thusum khopna "Institute for Advance Study In Asian Culturers and Theologies" (IASICT) ah zong 2012 kum June 9 - July 14 dong seminar ah a mah vakihel kha hi. Tua munah Pr. Nok Kam in, " Daipaam Theology for Public Life: Tribal Theology in Chin" cih thu sung hi. Tua mun ah a lawmte Ph.D ngahsa vive hia, mi 24 in a siauhna lak ah 18 bek kitel a, tua lak ah amah vakihel kha putnaksal hi. Topa hoihna hang mah hi.
Misiat puamsiat leh matutlahna omlo ban ah tuni tan dong sik hi leh a gin eu selsel, :sikhiam nam, simbu ciim a ciim kiukiau Zozang leitang pan a khangkhia Pr. Nok Kam hang in angtang leh lunglam pihna thu pulak ding a bei thei kei hi.
Pilna sin a kuamah ciat in hih khekhap mah bulphut a pilna a kuitung phadiak te mah tawh gamlelei,minam sungah na i sep mateng " i theih tam in, i tel tatak a tawm pian ciang, gilvah zo tatak lo ahih manin lawhpi puamkham i bang den ding hi."
Lamdawt tawn in tai i kidem niloh kei dinga, thuman thutak leh lampi kuitung taktak te bek ah tai kidem in pilna i zong ding a, khatlekhat i kidem toto ding hi. Zogam leh Zolei in tua lunggulh hi. Kisam hi. Hong ngaklah mahmah hi. Pasian thu tawh kituak in etlawm bek hilo a, zahtak ding a kilawm pilna kungmui ahi hi.

M.Th ngah gualzawh
Lungdampihna tawh,

a) Sing in vangkhua hong lel lo aw,
Guallai heisa bang ei pal ta e;
b) Heisa bang pal nun-en tulkung,
Simlei tullel dem vaw gual aw e.

a) A mizatam zata lungdeih,
Ei duang hong bang,Tun in tawi ve aw,
b) Lunta zalai lawi bang thang hen,
Sianmang gamkuam kilbang khen hen aw.

Pa Dai Khan Khual leh innkuante aitang in
Na sangnaupangpa ahi,

Tuan Khan Kap LL.B @ Vungseuhpa
President,
Bangalore Zomi Fellowship
               &
Ciimnuai Thukizakna,
Computer Designer

Zozangkhua(Tomkal Bangalore)